LUMBESA BADO CHANGAMOTO MKOA WA NJOMBE

NJOMBE 

WAKULIMA wa zao la viazi mviringo mkoani Njombe, wameiomba serikali

iwasaidia kuwakabiri walanguzi wa mazao mkoani humo ambao bado wanatumia

ujazo wa Lumbesa – kwa madai kuwa ujazo huo unadumaza uchumi wa mkulima.

Wakulima hao kutoka katika kijiji cha Ibumila Wilayani Njombe, wamesema

wanalazimika kuuza Viazi mviringo kwa ujazo mkubwa wa Lumbesa – kutokana na

wanunuzi kutaka ujazo huo na hivyo mkulima kushindwa kumudu gharama za

pembejeo za kisasa.

John Mwambuji amesema kuna umuhimu kwa serikali kudhibiti ujazo wa Lumbesa

kwa nchi nzima, badala ya mkoa mmoja pekee wa Njombe, ili wanunuzi wasipate

upenyo wa kukimbilia mikoa mingine isiyo na udhiti wa ujazo wa Lumbesa,  kwamadai

kuwa zoezi hilo limekuwa likiwasababishia hasara baada ya wanunuzi kutonunua Viazi Njombe.

Salvius Kawogo – afisa kilimo wa kijiji cha IbumilaWilayani Njombe-  amesema

changamoto ya Lumbesa inatokana na tatizo la upatikanaji wa soko, ambapo

mkulima hulazimika kuuza shilingi elfu 37, 500 gunia moja lenye ujazo wa

debe 8 zenye zaidi ya kilo 150.

Saimon Chatanda afisa kilimo wa Wilaya ya Njombe, amesema tatizo la Lumbesa

kwa wakulima wa Viazi Mviringo lipo na linatokana na ugumu wa namna ya

kudhibiti ujazo wa Lumbesa, changamoto inayotokana na  uwepo wa soko huria.

Aidha Chatanda amesema kila wanapodhibiti Lumbesa wakulima wao hukosa soko

kwakuwa wanunuzi hukimbilia maeneo yasiyo na udhibitio huo wa Lumbesa- huku

akiwataka wakulima kuwa na umoja ili kukabiriana na changamoto hiyo ya

Lumbesa, ikiwa pamoja na kutumia mizani badala ya ujazo.

Hata hivyo Owekisha Kwigizile afisa mradi wa uzalishaji na usambazaji wa
mbegu bora za Viazi Mviringo mkoani Njombe- “SAGCOT”  chini ya ubia wa
kampuni ya Yara, Syng’enta na Mtanga foods- wanatoa mafunzo  ya kilimo bora
cha Viazi Mviringo ikiwa pamoja na kuwatafutia Soko la uhakika ili
kuwaepusha wakulima na walanguzi wanaonunua Viazi kwa ujazo wa Lumbesa